monumenta.ch > Plinius > sectio 159
Word Selection for Searching
Report an Error in this Sectio
Plinius, Naturalis Historia, 17, 159
{XXXV} Solum apricum et quam amplissimum in seminario sive in vinea bidente pastinari debet, ternos pedes bipalio alto, marra reici quaternum pedum fermento, ita ut in pedes binos fossa procedat, fossum purgari et extendi, ne crudum relinquatur, verum exigi mensura. male pastinatum deprendunt scamna inaequalia. metienda est et ea pars, quae interiacet, pulvini.